THE BEAR William Walton

Dyddiad: 03/12/2017
Lleoliad: Presteigne Assembly Rooms, LB8 2AD
Amser: 19:00

Mae Llwyfannau Bach Opera Canolbarth Cymru yn dod â syniad newydd i’r byd opera, gyda chyflwyniad ei berfformiadau siambr ficro cyntaf erioed a fersiwn newydd sbon o’r gomedi clasurol un act, The Bear. 

Cyfansoddwyd yr opera yn 1967 yn seiliedig ar ddrama Anton Chekhov o’r un enw, ac mae’n dweud hanes y weddw, Madam Popova, sy’n galaru’n ddi-ddiwedd am ei gŵr nes i’r asiant tir bras ei wedd ond carismatig , Smirnov (“arth” y teitl) gyrraedd yn hawlio taliadau am ddyled. Mae’r emosiynau’n gryf ac mae’r ymgecru’n arwain at ornest, lle mae’n ymddangos bod y ddau wedi syrthio mewn cariad yn annisgwyl.

Mae’r opera, sy’n para awr, yn llawn adloniant, comedi, parodi a chaneuon gwych. Fe’i cyfarwyddwyd a’i cynlluniwyd gan Gyfarwyddwr Artistig OCC Richard Studer ac fe’i perfformir gan dri chanwr a phum cerddor heb arweinydd, mewn trefniant siambr newydd gan Gyfarwyddwr Cerdd OCC, Jonathan Lyness.

Ar ôl yr egwyl, ymunwch â’r cast, y cerddorion a chyfarwyddwr OCC ar gyfer golwg wahanol ac anffurfiol ar olygfa barti anhygoel Pushkin o Eugene Onegin a’i adloniannau. Mae Tameidiau Tatyana yn gyfuniad o gerddoriaeth, barddoniaeth a rhyddiaith - rhai'n gyfarwydd, a rhai'n llai cyfarwydd - fel rhagarweiniad i berfformiadau OCC o opera wych Tchaikovsky, Eugene Onegin, sydd ar daith yng ngwanwyn 2018.

Mae’r opera hon yn gyflwyniad ardderchog i gynulleidfaoedd sy’n cael eu profiad cyntaf o opera ac yn gyfle gwych i selogion glywed comedi glasurol Walton ym mlwyddyn ei hanner canmlwyddiant. Cynlluniwyd y daith beilot ‘Llwyfannau Bach’ i apelio at gynulleidfaoedd mor eang â phosibl er mwyn cyflawni cenhadaeth OCC o gadw opera’n fyw ac yn lleol ledled Cymru wledig.

Canmoliaeth ar gyfer The Magic Flute OCC, Gwanwyn 2017: “Ac o weld eu Ffliwt newydd, nid goroesi’n unig mae Opera Canolbarth Cymru: Maen nhw'n ôl yn y gêm ac yn yr un gynghrair â’r English Touring Opera... llymaid difyr o optimistiaeth Mozartaidd”; The Spectator, 22 Chwefror 2017.

Cefnogir Llwyfannau Bach OCC gan The Ashley Family Foundation, Foyle Foundation a Chyngor Celfyddydau Cymru. Perfformir drwy drefniant gyda Gwasg Prifysgol Rhydychen.

Cenir yr opera yn Saesneg.

Tocynnau: £12